(१) नियम १३ बमोजिम नियन्त्रकले निवेदन उपर जाँचबुझ गर्दा निवेदकलाई इजाजतपत्र दिन उपयुक्त देखेमा इजाजतपत्र वापत पच्चीस हजार रूपैयाँ दस्तुर लिई निवेदन दर्ता भएको साठी दिनभित्र निवेदकलाई अनुसूची–३ बमोजिमको ढाँचामा इजाजतपत्र प्रदान गर्नेछ ।
(२) नियम १२ को उपनियम (१) बमोजिम पर्न आएको निवेदन साथ संलग्न कागजातको अतिरिक्त नियन्त्रकले नियम १३ को उपनियम (२) बमोजिम निवेदकसँग थप कागजात वा विवरण माग गरेको अवस्थामा त्यस्तो थप कागजात वा विवरण प्राप्त भएको मितिलाई नै निवेदन दर्ता भएको मिति मानिनेछ ।
(३) नियन्त्रकले नियम १३ बमोजिम जाँचुबझ गर्दा निवेदकलाई इजाजतपत्र दिन उपयुक्त नदेखेमा निवेदकलाई सोको कारण सहितको लिखित जानकारी निवेदन परेको मितिले साठी दिनभित्र दिनु पर्नेछ ।